أي من الأطفال قد كنت/كنتي ..... ؟؟

[الحجي]

السلام عليكم ورحمة الله وبركاته


يختلف الاطفال في سلوكهم وتصرفاتهم ونفسيتهم ..

لذلك .. هناك نماذج مختلفه من الأطفال ومنهم هؤلاء ...


الطفل البريء ...

في المنزل تجده حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..




الطفل العنيد ...

يطبق نظام البيت بالعكس .. يسوي اللي براسه ..
مايخاف من الأب أو الأم .. لو قلت له هذا خطر لاتقربه .. عناد فيك يسويه ..
يُــضرب كثيراً في طفولته .. ومع ذلك عنيد مايغير رايه ..




الطفل الحنّـان ...

يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كـُرهاً .. يعانون اهله من الصداع المستمر ..



الطفل المادي ...


هذا الطفل مايرد السلام الا ( بفلوس ) ..
تعامله مع اهل المنزل .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه ..



الطفل الفتّــان ...


تجد عند هذا النوع جميع اخبار المنزل ..
يجد المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..




الطفل الدلوع ...

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..




الطفل العله ...

يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها ..




الطفل الداج ...

هذا الطفل مستحيل يجلس في المنزل ..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..




الطفل الملسون ...

يستانسون اهله على سوالفه .. فصيح جداً ..
ويلقط العبارات والمفردات بسرعة مذهله ..
يسبب احراج دائم لأهله .. من الممكن ان يقول كلمة بالغلط للضيوف او الاقارب ..
يتميز احياناً بقلة الذووق والوقاحة اذا انفعل ..
لاينصح بأستفزازه ابداً ..



الطفل اللزقه ...

تلقاه مسنتر عند باب البيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..
احياناً يضطرون يطلعون من نافذة المنزل للهروب منه ..
ولكن للأسف يجدونه بانتظارهم في السيارة ..ويسألهم ليش تأخرتوا عليّ ..




الطفل الهادي ...

هذا الطفل ماله صوت ابد .. وين ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله ..
لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..



الطفل القوي ...

اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم ..

[غروري دابحهم]

اشكرك أخوي الحجي على المعلومات الحلوة صح الله لسانك وسلمت ايدك وننتظرك جديدك

تقبل مروري

[كساب]

الحجي

يعطيك الف الف عافيه

دايم مميز

[عبدالله التميمي]

يخليك ربي اخوي الحجي على الطرح الحلو

والله يالغالي الضاهر انك كنت الطفل العله :)

ولك كل الشكر مره ثانيه على الطرح الحلو

[البرنس حامد]

الحجي

ههههههههههههههههه


بالنسبة لي الطفل الهادي


الا انت اي نوع ؟؟؟؟

يا لبا قلبك

[إماراتية دلع]

ععععععععععععععععععععععع

يسلمووووو الحجي

أمااااا أناااا ما بقول اي وطفل فيهم


تحيااااتي لك

[الشامسي]

السلام عليكم ورحمة الله وبركاته

الله يعطيكم العافية على الطرح الرائع

وبأنتظار الجديد منكم

وتقبلوا مروري والرد

[عشق بدوي]

يعطيك العاافيه


الغالي أبو عبدالوهاب


طرح مميز ومبدع


كنت فطفولتي ( مخلوط ) مابين :

" الطفل الداج "
" الطفل الملسون "




تحيااتي

[منصور9]

السلام عليكم ورحمة الله وبركاته

الله يعطيكم العافية على الطرح الرائع

وبأنتظار الجديد منكم

وتقبلوا مروري والرد

[الوتر الحساس]

الطفل العله ...

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها

بكون شارب من فلي

ههههههههههههههههههههههههههههههه

تسلم ياغالي على مواضيعك الحلوة ياحلو

مع اْرق التحايا

[بنت الشرقية]

يسلمووووع الموضوع الحلو بس مالقيت اي شخصية تصاحبني لمن كنت صغيرة كل يوم كنت شكل خخ

تحياتي

مرت من هنا

بنت الشرقية

[وردة الشام]

يعطيك الف عافيه اخوي الغالي الحجي على الطرح الرائع

كنت الطفله البريئه<<<< على ني يعني كنت مؤدبه هههههههههههههه


مشكووور اخوي مرره اخرى على الطرح المميز

تحياتي

وردة الشام

[متعب العتيبي]

مشكووووووووور موضوع رووووعـــــــه


طفولتي كانت:الطفل الدلوع