ياقلب لاتطرد من الناس المقفي

[جروح الوقت]

ياقلب لا تطرد من النـاس مقفـي
خله عسى سـود الليالـي تـرده
والهم ذاك اللي مع الحـزن يلفـي
في ذمتـي ياقلـب مامنـه صـده
متعـودٍ ياقلـب للحمـل كتـفـي
وحظي على ماقيـل مافيـه نـده
اصبحت انا في سجن الاتعاب منفي
من زود مافيني كرهـت المخـده
من يوم غاب اللي إمسميه نصفي
ونا مابين الشوق ونـار المـوده
اللي تسبب في جروحـي ونزفـي
اللي ورود الشام ملمـوس خـده
امن اولٍ ياقلـب ياقـف بصفـي
واليوم سيفه فـي غيابـي يحـده
ياقلـب مادامـك ماخنتـه يكفـي
ماهوب قدك وانـت منتـه بقـده
اصبر ونـا للصبـر بمـد كفـي
وطير الوهم بفـك قيـده واهـده
ونا حسب علمي وطبعي وعرفـي
من صـد متغلـي يعذبـه صـده

[كساب]

صح لسانك

وتسلم

الغالي

[الشامسي]

السلام عليكم ورحمة الله وبركاته

الله يعطيكم العافية على الطرح الرائع

وبأنتظار الجديد منكم

وتقبلوا مروري والرد

[سعدون]

يعطيك العافيه
اخوي جروح الوقت
ع القصيده الرائـــــعه . . .
تحياتي

[المهاجـــر]

جروح الوقت


صح لسانك


لا خلا ولا عدم



مـــــــــــــــودتي

[البرنس حامد]

يسلمووو
جروح الوقت


كلك ابدااع


مسراتي