هواه شامي

[البرنس حامد]

جدامي كوب شاي (كرك ) على الكيف -- والمزاج عندي رايق على الاخر كتبت هالسطور يمكن نتفق ويمكن نختلف لكن ----


وهو يجهز شنطتة يبي يرجع لبلادة يتصل عليها ويودعها وباقي شوي عن دموعة تسيل لكن ماسك نفسه جدام نفسه وجدام ربعه خائف لا يبيح سده
وطلع من سكنه وهو ماسك الجوال -- وطول الطريق وهو وده ما يفارقها ولا وده يفارق صوتها وخلصت اجراءات المطار وللحين ماسك التيلفون ويتكلم معاها --- ودش فوق عند البوابات وللحين المكالمة ما خلصت --ما قطعها الا ركوب الطائرة ( تحية خاصة لعاشق زينب )

يا ترى حب ام اعجاب

وصل بحفظ الله ورعايته بس القلب هناك --- والوناسة هناك -- راح البيت وسلم على اهله --واذا قلبه قوي ما اتصل( لكن) يقوم بنص الليل يطالع الجوال -- يا ترى وصلني شي منها مكالمة لم يرد عليها او مسج حتى ولو فاضي يكفي رقمها بشاشة جوالي

حب ام اعجاب

المساء اتصل على شلة السفر وربعه -- نروح البراري مكان ما بيه ناس بس لحالنا ابي اسولف -- وده يشوف ناس فيهم ريحة الشام غيرهم ما ينفع -- واتصل هناك وسلم والوله هاد حيلة --- ومشتاقلك هالكلمة ما انقطعت من لسانه طول المكالمة والله يعين من جلس وياه

حب ام اعجاب

بالدوام ماله نفس يحب يجلس لحاله -- يجلس على طرف ويفتح الجوال ويطالع الصور والمسجات والفيديوهات -- وباله بعيد -- تعال سولف معنا ويرد بجيكم بعد شوي -- وبعد شوي طول وطول وتاخذلها اسبوع او اسبوعين الى ما تهدا النفس ويرجع العقل مكان القلب ويرجع هو بتاع زمان

حب ام اعجاب

وده يسمع جوبيات واشرطة داوود والجبوري وهبة مسعود وسعاد العبدالله -- غيرهن ما يسمع لان هواه شامي وبالاخص معربا-- يمكن بالغلط اغنية لمحمد عبده ( ضناني الشوق وازدادت شجوني ) يسمع لها -- وسوالفه تذكروها يوم تدبك ويانا -- ويوم تجلس عندنا بالطاولة واخيرا --- يا الربع وش رايكم نسافر بعد اسبوع ؟

حب ام اعجاب

وسافر واول اتصال بها وبالسهرة عندها وبالمسيار عندها ولو الود وده ما يفارق خطاويها -- ويدري انها عند غيره بس القلب خضير -- واسلوبها ساحرا قلبه -- لا سهر بكازينو ثاني جلس مكشر وده هناك بكازينوها وبس -- ولو هيه بالنمرة الاولى بمحل يروح هناك ولما تغير يروح لمحلها ولو ان هالمحل ما يسوى ولا جوه جو لكن ما باليد حيلة

حب ام اعجاب
ان اختلفنا او اتفقنا ولو اني بالغت شوي ---لكن اظن ما قلته حقيقة لا تنكر وما خفي كان اعظم

دمتم بود
الحقوق محفوظة @

[الوتر الحساس]

[size=4]حبيب قلبي البرنس حامد

ابداع في ابداع في ابداع

حبيبي كلنا هواه الشام

تابع ........ قبل من نسافر نقول خلاص هذي اخر سفريه ومن بعد هاذى السفريه بنسافر بعد اربع شهور ونتفق واْول من رد من الشام نكمل يوم واحد بس ونبي نرد لشام باْسرع وقت كل واحد يتصل بربعه شو رايكم نسافر السبوع الجاي .......الصراحه كثرت المشاكل في بيوتنا كثر من نسافر للشام ...والعمل نفس الشي .. والكذب خلاْص .

((( والله يعين المبتلي )))

وتحياتي[/s
:hah1.com (549):

[سعدون]

حــــــــــــــــــــــــــــــــــــــــــــــــب ام اعــــــــــــــــــــــــــجـــــــــــاب


][`~*¤!||!¤*~`][البرنس حامد ][`~*¤!||!¤*~`][

قلم مبدع ومتميز دائما

وانا اتفق مع كلام اخوي الوتر الحساس

وتحياتي لكم

[راعي الموود]

فدييت عيونك البرنس حامد ,,

تسلم الانامل حبيب قلبي أنا اقول حب واعجاب الاثنين والهوى شامي .

كيف لا وهو شايف كل الزين قدامه والهوى شامي

ويقول المثل عن المزيون ((عون ولون)) وانا ازيد ومنطق بعد والهوى شامي.

تقبل مروري ,

[سالم الاسباني]

مبــــــــــــــــــــــــــــــــــــــدع

قلية بحقك .... مواضيعك لها نهكه خاصه يالبرنس ...


حبيب قلبي ... والله من طرفناا .. حب وابصم لك بالعشره ..


اذا مو كلنا 90 % منا ..

بس من طرفهم ممكن يكون حب وممكن اعجاب وممكن زبون بس ...

عاد الصدفه قاعد ارد عليك وانا اسمع اغنية جذابه يابنيه جذابه ...

... واتفق مع الغالي الوتر الحساس باللي قاله ميه بالميه ...



البرنس ... اللله يعطيك العااافيه يالغااالي ...


لا خلا ولاعدم

[البرنس حامد]

اخجلتم تواضعي بردودكم والله
حتى (وردتين حمر ) طلعن بخدودي

الوتر الحساس
فديت قلبك ادري القلب خضر عندك وخاصة على ايام ( شهد ) -- وجلسات الصباح وفت العلوم --الله يعود ذيك الليالي

سعدوون
ردود الربع بكووم وردك انت لحالة بكوووم
دائما بانتظار ردوودك تدري ليش لانك الافضل
تسلملي يا الغالي
لا عدمناك

[البرنس حامد]

راعي الموود
شهادتي فيك مجروحة
لا ازيد عليهم شي غير الله يديم الموودة يا بعدي


سالم الاسباني
استاذي العزيز انت المبدع دائما
احس ان القلب عندك مثل قلبي ( خضر مررررة ) يحب على طوول ويتوله
لاحظت هالشي باغلب ردوودك دائما تايدني ورايي نفس رايك بما يدل على نفس الطبع عندي وعندك
ارفع القبعة احتراما لك

[عيد النيوزلاندي]

البرنس حامد بصراحة بدون مقدمات وبدون مجاملات والله قمه الابداع
مدري الظاهر كنت رايق مررررررررررة بصراحة ماعندي شي اقوله الاخوان كفو وفوووو والحب والاعجاب كلهم يصبون في قالب واحد((مكان واحد))
ان قدرت تحب وتعيش لحظات حب فهذا شي جميل واذا اعجبت فلا مانع
اشكرك من كل قلبي على الطرح الجميل وكم اتمنى انا القاك وجها للوجه
في المستقبل انشالله يعطيك الف عافيه

[البرنس حامد]

عيد النيوزلاندي
عزيز وغالي والله
واذا الله كتب راح نلتقي حتى ولو في اقاصي الدنيا عاجلا او اجلا

شرفني مرورك العطر وكل كلامك يدل على طيبة قلبك ويعجز لساني عن شكرك

تحياتي لك من صميم قلبي

[البرنس حامد]

راعي الموود عجبتك هالكلمة ( والهوى شامي )

وبعد فيه عشق بعد الشام
قالوا مية النيل وشربناها الى ما ارتوينا ولا رجعنا لها

دائما وابدا جملة فبالي (القلب وما يهوى )

ولو هواك تحت شجره بوسط صحراء ومرتاح والناس تشوفة صحراء قاحلة لكن بنظرك انت غير
ومساكن غير

لا خلا ولا عدم

[المكسيكي]

اخوي البرنس حامد

اشكرك على مواضيعك المميزه والحساسه

ودائما تنتقي احلى واجمل العبارات لتزين مواضيعك

بالنسبة للموضوع الحب موجود مثل ماقالوا بنسبة 90% من ناحيتنا

اما هم فتتراوح النسب على حسب البنت فالبعض اعجاب شخصي

والبعض حب من اول نظره والبعض مصالحه متبادلة وغير ذلك,,,

اشكرك على مواضيعك الراقية واتمنى لك التوفيق,,,

[البرنس حامد]

ماد ماكس

الشكر موصول لكم يا الغالي

الله يوفقنا جميعا

[راعي الموود]

أي والله حبيب قليبي البرنس ,,

كل مايحب خاطرك تجده والهوى شامي

الاجواء غير عن كل البلدان والهوى شامي

اللهجه الزينه وين ماتروح والهوى شامي


العجوز اللي تفتح المحل الصبح واحنا رادين من بيت الهذا والهوى شامي .

وش اقول وش اخلي والهوى شامي .

[البرنس حامد]

العجوز اللي تفتح المحل الصبح واحنا رادين من بيت الهذا والهوى شامي

ههههههههههههههههههههه
العجوز ام (البلابل )

راعي المووود
شاكرا مرورك (اللطيف )

[المغرور]

يعطيك العافيه ومبدع قليله بحقك

وسوي حب او اعجاب اهم شي اروح وشوفهم


ويسلمووووا

[البرنس حامد]

المغرور

كلهم حب واعجاب
وبالاخير نور ومصاري

لكن جوهم غير
وفديت النور

[المتألق]

سبحان الله يالبرنس نفس الاحساس وكل اللي قلتة في محله وخاصة

الطلعه لمكان بعيد أنت والشله

تقبل مروري

[الدكتوووووور]

ياعين ابوووووووووووي

اروح فدوه لعيونك وكله لعيون الشام واهل الشااام

اعلى قمم الروقان فى وصف احساس كل هاوى الشام بعد عودته لدياره

مبدع وربى

تقبل مرورى يا الغلا

اخوك الدكتوووور

[راكان]

الله الله عليك يالبرنس والله انك برنس بحق وحقيقي قمة الأبداع والروعه

أسلوب مميز جدآ جدآ جدآ الله يعطيك الف عافية تقبل مروري

محبكم

راكان

[البرنس حامد]

سبحان الله يالبرنس نفس الاحساس وكل اللي قلتة في محله وخاصة

الطلعه لمكان بعيد أنت والشله

تقبل مروري


فديت قلبك يا الغالي
كلنا في الهوى شامي
واكيد الطبائع نفسها ولو اختلفت الاماكن

لا خلا ولا عدم

[البرنس حامد]

ياعين ابوووووووووووي

اروح فدوه لعيونك وكله لعيون الشام واهل الشااام

اعلى قمم الروقان فى وصف احساس كل هاوى الشام بعد عودته لدياره

مبدع وربى

تقبل مرورى يا الغلا

اخوك الدكتوووور


الدكتووور ترا يوم الواحد رايق يكتب اي شي --- اتمنى عجبك الموضوع وشهادتك وسام على صدري

شاكرا مروووك الحلو وتعليقك الاحلى يا (عين ابوووووووي )

[البرنس حامد]

الله الله عليك يالبرنس والله انك برنس بحق وحقيقي قمة الأبداع والروعه

أسلوب مميز جدآ جدآ جدآ الله يعطيك الف عافية تقبل مروري

محبكم

راكان

حبيبي قلبي راكان -- مشكووور والله على اطراك الجميل
والابداع انتم منبعه واحنا توابعه طال عمرك
ويسلمووو على مروك الجميل
لا خلا ولا عدم

[علم دار2]

مشكور البرنس

تقبل مروري

[ملك الحر]

يعطيك العاافيه يالغالي


تقبل مروووري

ملك الحر

[البرنس حامد]

ملك الحر

هلا فيك يا الغالي
مرورك زادني تشريف خاصة من شخص خبير مثلك

ارق التحايا
لا خلا ولا عدم

[black night]

البرنس حامد
أسلوبك رائع جدآ في وصف شعور كل شخص معجب ومتيم ومحب للشام واللي فيها <<< أهم شي اللي فيها هع هع
وأتوقع أغلب رواد هذا البلد العظيم يواجهون هذا الإحساس
وسجلني واحدن منهم لأني دايم لاصرت أنتظر الطيارة بالرجعة للرياض أبدأ أخطط للسفره الجاية وماعمري تعديت ثلاث أسابيع أو شهر إلا وأنا راجع لهم تلقائي وبدون أي شعور ماأحس إلا إني صرت بوسط البست ههههههههههههههههههههههههههههههههههههه
ومثل ماقال لك إخونا سالم الأسباني :-



حبيب قلبي ... والله من طرفناا .. حب وابصم لك بالعشره ..


اذا مو كلنا 90 % منا ..

بس من طرفهم ممكن يكون حب وممكن اعجاب وممكن زبون بس ...

كل الشكر لك يالبرنس ع الإبداع بالوصف
ويعطيك ألف عافية .



















تحيــــــ ،،،، ــــــاتي

[الامبراطور]

يالبى قلبك يابرنس حامد

الله لايحطنا بحب في الشام (بصراحة رايح استانس مو راح احب )

صحيح القب خضر ... ولكن !!!

>>> مايبي يحبله وحده وبعدين يتوهق هههههههههههههه

واشوف قدامي بصراحة امثال واجد من اخويانا الله يسعدهم زلقوا بمايسمى الحب لصبايا الشام ... والله يكون بعونهم ... ولا يبلانا

الف شكر لك ع الموضوع ياغالي ...

ونحن بأنتظار جديدك ...

تحياتي ياقلبووووووو

الامبراطور

[نـجــــم]

يا هلا وغلا اخوي البرنس الله يسعدلي هالشوارب

بالنسبه لي مافيه حب مجرد اعجاب ونسبته 50 في المائه

وعلي قولتك يالغالي السالفه كلها مصاري في مصاري

واللي يودينا هو جوهم

تحياتي لك يالغالي

تقبل مروري

[عاشق التل]

هههههههههههههههههههههه

والله العظيم صادق صادق صادق

الحمد لله السوالف هذي كانت عندنا أول الحين

أبشرك الناس عرفت وفهمت وعقلت وكل شي


صار واضح بس صدق جبتها على الجرح

هههههههههههه

[البرنس حامد]

هلا بالغوالي جميعا

فديتــــــــــ قلوووبكم


كل رد واحلى من اللي قبله

مسراتي لكمــ

[محمد العتيبي]

يابرنس مابي اكرر كلام قالوه الشباب قدامي


بس بصراحه هذي الحال لين الله يفتح علينا

مبدع في وصف الحاله.

[البرنس حامد]

يابرنس مابي اكرر كلام قالوه الشباب قدامي


بس بصراحه هذي الحال لين الله يفتح علينا

مبدع في وصف الحاله.


العتيبي

هلا فيك
وتسلم عزيزي على المرور

[أبو وافي]

البرنس حامد ... الله يعطيك العافيه يالغالي ...

والله ماتقول إلا الحقيقة ،، وهذا هو الحاصل


لا خلا ولاعدم

[البرنس حامد]

ابو وافي
شكري وتقديري لكـــ
ولك الاعضاء

لا عدمناكمــ عزيزي

[alfadly]

اخووووي(البرنس حامد) يمكن كلامك يحتمل الصح ويحتمل المبالغه انا عن نفسي ارووووح اطرب نفسي واستانس وبس ارجع الديره ما اقولك انسى كل شي بس تتلاشى امور السفره تدريجياً حتى اصل اني انسى السفره واخر شي افكر فيه اني احب وحده او افتح مجاااال للحب بالشام لأن الكل يعرف وضع بنات الشام وأول وتاااالي انت زبوووون وغيرك الف زبووووون.