ماكنت اضن الورد يقسى على الطين

[مرزوق الشمري]

عقب اندمال الجرح جيتـي تزوريـن
زورة نـدم والا حنـيـن لعـذابـي
جيتي عقب ما ضاع من عمري سنين
ايـام كنتـي مـا تمريـن بـابـي
توقـفـي يابـنـت لا تستعجلـيـن
يكفيني انـه ضـاع دونـك شبابـي
يا ما فديتك يا سـود داخـل العيـن
واهديت لك روح البيـوت العذابـي
يا ما مسحت دموع من فوق خديـن
تخاف هجرانـي وتخشـى غيابـي
واعطيت لك عهد رجـح بالموازيـن
ولا نقضت العهـد رغـم اغترابـي
كنتي امل روحي وزهـر البساتيـن
حلم ليا ضاقت دروبـي سـرى بـي
كنتي عروس العمر نـور المزاييـن
اخاف اكـدر خاطـرك فـي عتابـي
اخشى عليك من القدر والحسوديـن
واقبـل عليـك بلهفتـي والتهابـي
رحتي شريتي من رصيـده ملاييـن
لون الذهب خلـى رموشـك حرابـي
ليته درى عن طبعك اغتـر بالزيـن
طبع الحمامه غيـر طبـع الغرابـي
ما كنت اظن الورد يقسى على الطين
ولا ينكر الطـل الرقيـق السحابـي
وما كنت اظن الحور تمشي بقلبيـن
ولا لذيـذ المـي يصبـح سـرابـي
ولا يجينـي يـوم بقفـاه تقفـيـن
كنـك حسدتينـي بليلـة مصـابـي
انا غنـي النفـس وانتـي تعرفيـن
قمـة فخـاري شيمتـي وانتسابـي
يللي غدرتـي بـي بليلـة ثلاثيـن
شوفي على تعدادها الـراس شابـي
جيتي عقب ما خانك اللـي توديـن
هو طاب منك وخاطري منك طابـي

[سعدون]

صح لسانك

قصيده رائعه


تحياتي لك

[ملك التل]

صــــــح لســـــانك يا بعد حيي

قصيده في قمت الابدااااع والجمال

سلمت يمناك يا السنعوسي

ننتظر ابداعك بفارق الصبر


تحياتي لك


مــــــــــــــــــــــــــــــــ التل ـــــــــــــــــــلك

[هيـبـهَہِ ملًــگ]

صح لسانك ..

ياعين ابوووووووي

وقصيدة مؤثره

مسراتي لقلبكـ

[البرنس حامد]

يللي غدرتـي بـي بليلـة ثلاثيـن
شوفي على تعدادها الـراس شابـي
جيتي عقب ما خانك اللـي توديـن
هو طاب منك وخاطري منك طابـي

مرزوق الشمري
لا فض فوك

تحياتي لك

[الوتر الحساس]

صح لسانك ياغالي

قصيده رائعه


وتشكري لك

[مرزوق الشمري]

كل الشكر لكم احبتي
على مروركم الذي شرفني

مرزوق الشمري

[نـجــــم]

صح لسانك يالغالي


قصيده في غاية الرووووووووووووووووعه


تحياتي لك