واحد ووحده في دجى الليل قلبين

[تناهيد الزمن]

واحد ووحده في دجى الليل قلبين

يتبادلون امْن الغرام المشاعر


عفيفه وطاهر مثال المحبين

ورمز الهوى العذري عفيفه وطاهر


يتنهّدون ومن ضنا البعد شفقين

وايصارعون الشوق والشوق كافر


سامي هواهم والمحبه لها دين

يوفي حقوقه من على الموت صابر


ساد الســـكون وقالت العين للعين

كلام ما الّف معانيه شاعـــــــر


اذا عجز حلو اللفظ بالهوى يبين

في صمت يا محلا كلام النواظر


ملاذها قلبه لها فيه تمكــيـــــن

تحكم وترسم وبه تنهي وتامـــــر


ومينا همومه طرفها بين شطيـــن

في عينها يبحر هواه ويســافر


حبٍ مطهر ساميٍ بين خلين

كل على خلّه من الخوف ساهــــر


يكتم اسمها عن قراب وابعيـــدين

سر على مثله تعيش الضمــــاير


وتكتم غلاه ابعينها بين جفنين

يحرس اسمه طرف كالسيف باتـــر


محلا الهوى مستور ما بين روحين

يا من يريد الشوق شاهر وظاهر


حب الجسد يفني دوامه الى حين

زايل وحب الروح خالد وظافــــر



~راشد بن مكتوم~

[قصيده تبي شاعرها]

يعطيك العافيه

[هيـبـهَہِ ملًــگ]

يعطيكـ العافيه


مسراتي لقلبك

[لحن الحياة]

يسلمووووو
يعطيك العافية تناهيد على النقل
تقبلي مروري

[تناهيد الزمن]

مشكورييييييييين


الجميع على المرور


مروركم اسعدني


دمتم بود