هواك شامي -- شو تقول حق اهلك ؟

[البرنس حامد]

السلام عليكم ورحمة الله وبركاته

موضوع للنقاش الجاد جدا

الكثير منا يسافر الشام لاغراض متعددة مثل السهرات والطرب والسياحة وغيرها -- والاغلب يحس راحتة بالشام ( القلوووب معشبة خضراء ) -- السؤال على كثرة سفراتك للشام شو تقول حق اهلك ؟ ( فينا المتزوج واللي اهله يمانعون سفرة واللي طالع علية حكي من كثر سفراته )

بالنسبة لي السفرة الطويلة اقولهم مسافر الاردن وسوريا ولبنان ( وانا ما اطلع برع الشام ) والسفرة يومين و3 ايام اقول مرة البحرين مرة رحلة برية ومرة الكويت ومرة الدمام -- ( كل مرة حتة على ما يقولون المصريين ) والسبب انهم يزعلون اذا عرفوا اني مسافر الشام (سواءا اهلك او اخوانك ) شو لك بالشام وليش تسافر هناك وشو تسوي هناك وليش ما تغير دولة ثانية ؟ هذي من غير الاشاعات القوية منها والضعيفة ( مرة طلعت علي اشاعة اني متزوج شامية وجايبهن على دبي واروح لها كل اسبوع وانتشرت بشكل رهيب وطنشت واللي يتصل ويباركلي واللي يسلم علي بالشارع ويبارك )

بكل امانة شو تقول ؟ ( لا تحطون شنبات وتقولوا ما يهمنا احد )

مسراتي لقلوبكم (على قولة دايم السيف )

[هـــ .ماعندك. ـــات]

تسلم ع الموضوع الرائع


بصراحه انا اذا رحت الشام اقول للشايب تراني رايح الشام

والحمد لله ربي لا يغير علينا ولا عليكم

انا رجال امووون على شايبي بدرجه غير طبيعيه


ومره ثانيه تسلم ع الموضوع

دمتم بود

[البرنس حامد]

يا حظك

انا الشايب بعد اموون عليه
لكن

حكي الناس كثير ويعور الراس -- سافر وراح وعمل وترك
والمشكلة يوم يجيك حكي وسوالف حريم وتطلع من ناس ما تتوقعهم


هات ما عندك
اسعدني مرورك

لا خلا ولا عدم

[هـــ .ماعندك. ـــات]

يا حظك

انا الشايب بعد اموون عليه
لكن

حكي الناس كثير ويعور الراس -- سافر وراح وعمل وترك
والمشكلة يوم يجيك حكي وسوالف حريم وتطلع من ناس ما تتوقعهم


هات ما عندك
اسعدني مرورك

لا خلا ولا عدم

يخوكـ منت مجبور تسمع حكي الناس حكي الناس مايخلص

اسمع مني وطلع مني ودام شايبكـ يدري انت وين ورايح وليييه

لا تهتم لاحد والحريم ماوراهم غير عوار الراس

الحريم خراب بيوووت

وخل الناس كلهم يقولون انت رايح تسوي وتسوي دام شايبكـ عارف انت شنو كافي الباقي مو مهم

(رأي شخصي)

وتسلم ع الموضوع مره ثانيه

تحياتي لك

دمتم بود

[سعودي اصيل]

بالنسبه لي انا

والله ماعمري قلت للشايب اني رايح للشام

كل سفره اقوله مدينه من مدن المملكه

لكن اخواني يكون عندهم خبر اني بالشام

تعرفون لازم احد من اهلك يعرف سبحان الله يصير لك شي

على الاقل يعرفون وينك فيه

مشكور اخوي على الفكره


تحيتي

[ملك الحر]

هلابك يالغالي

بالنسبه أني أعلم الشيباااا هذاااك أووول بس

من كثرة السفراات بصرااحه أقولهم أني أرووح

الكويت والاماااراات يعني قطعت دووول الخليج

وأحيااااناااا أقووول عندي كورس في البحر يعني

بالعربي أنسى أعطيهم خبر بس لابد أعطي خبر للدكتووور

أو اليورو أذا ماااساافرووو معي سبحااان الله الدنياااا مااتاامن

وبالنسبه للأشااعااات يالله مكثره لدرجت قااالو أني مسحووور

هههههههههههههههههههههههههه

ومسكين الدكتوور كل يوم عند شيخ يدورلي علاااج

عموماااا موضوع ولا أروووع منك يالغالي

تقبل مرووووري

ملك الحر

[عبدالله التميمي]

يخليك ربي البرنس حامد على الموضوع الحلو

من جد أكثرنا يتضايق من كثرة الأعذار

وبالنسبه لي أنا كل مره عذر

أنا طبعأ مو متزوج للحين

كل سفره لي أقول للوالد الصراحه لأنه الوالد زقرتي وشبابي وعادي عنده

الوالده عندي تتضايق من الحقيقه

علشان كذا كل مره عذر

كل سفره انوع بين دول الخليج ومصر والأردن ومره رحله بريه

وما اخبرها بالحقيقه غير وقت الصيف حتى يصير لي عذر بالشام

خبركم الصيف عندنا حارق جدأ واللي يسافر معذور


هذي والله الحقيقه والصراحه

وعلى قولتك أخوي حامد لاتسوي فيها أبضاي :)

لك كل التقدير على الطرح الحلو

والله لا يحرمنا من طلاتك الحلوه علينا .,,,


أخوك

عبدالله التميمي

[خالدالفيصل]

هلابك يالغالي موضوع حلو ومشاكل البيوت ماتخلص وخصوصا الانسان اذا كان متزوج ويكون هاوي سفر انا بالنسبه لي كنت كل اربعاء اطلع الشام لمده يومين وعانيت كثير من المشاكل بس التفاهم احلى طريقه اما هالحين افضل طريقه استخدمها اطلع فجاه ولا احد يعرف عني الااكون صرت بالشام وبس اختفي عن البيت نص يوم عرفوا اني صرت بالشام الين استسلمو للامر الواقع وهاذي افضل طريقه من الكذب وبالنسبه لكلام مايخلص وشكرا,,,,,,,,,,,,,,

[السلطـــان]

ألف الحمدلله على السلامه يابرنس


والله وأنا أخوك على حسب يعني كل سفره ولها موال أنا اسافر اربع مرات وماقول لأحد شي يعني تكون خطافيه أم اربع خمس ايام وعلى اساس اني في الدوام وضغط , والسفريه اللي بتكون طويله وبأجازة فلا والله أصدق معاهم وأقولهم وين رايح طبعاً مو كل سنه اقولهم يعني كل سنتين اصدق معاهم مره
بس فيه اخواني اللي اصغر مني واللي اكبر هم اللي يعرفون علشان يضبطون انواع المخارج والكباري .

طبعاً حلات الشام بالنسبه لنا يالسعوديين ماهناك فرق كبير في نغمة الأتصال ومايصيدها الا واحد عارف الشام وهواه ونغماته فعلشان كذا لا الشايب ولا الاخوان بخبره في هالأمر ومايركزون واحد اهم شي يرررن رنة السعوديه .

لكن البلى المغرب ورناته بس الحمدلله والله يبيض وجه اللي اخترع صدى انا اشهد انه وافي وفكنا من الدول وتعدد نغماتها وصار العالم كله رنة السعودية .

تحاياي

[black night]

تسلم أخوي البرنس ع الموضوع الحلو
بالنسبة لي أنا أول إذا كانت السفره خطافية أم يومين أو ثلاث أيام لحد خمس أيام مستحيل أعطيهم خبر بإني رايح للشام عشان ماينشبون لي فمره أقول لهم طالع لجده مره للدمام مره لأبها وماخليت مكان بالسعودية ماصرفتهم فيه بس مره قفطوني قفطه بنت كلب إتصلوا علي بوقت بدل ضايع وكعيت لهم السالفه ومن بعدها صرت أقول لهم لأن حتى لو بصرفهم ماعاد ينفع راحت علي .
















تحيــــ ،،،، ـــــاتي

[الوسام الذهبي]

شكرا للموضوع

عن نفسي الأعذار واجد

مافي احد ماخليته معرس وحضرت عرسه<=== والله رايح احضر عرس مثلا: حايل-الرياض-الحفر

هذا اذا السفره اقل من اسبوع


اذا طويله اي دوله غير سوريا طبعا العذر مثلا<===== رايح مصر رايح الامارات رايح الاردن


سوريا صراحه معروفه عند الشيبان انها حقت دمار

شكرا لك

[كمسيون]

بالنسبة لي الحمد لله الوضع على أحسن مايكون


طبعاً بغير أوقات الدوام متى ماكان الوضع مضبوط والظروف تسمح

ضبيت غرضاني بالشنطة ومشيت

وهم عارفين اني رايح الشام

[البرنس حامد]

يا حيهم الربع

عز الله انكم صادقين --- والاعذار ما تخلص

هذا اكبر دليل يوم القلب يبي شي يسوي اي شي للوصول اليه

سعودي اصيل
ملك الحر
عبدالله التميمي
خالد الفيصل
السلطان
بلاك نايت
الوسام الذهبي
كمسيون

فديت قلوبكم كل رد احلى من الثاني
شاكرا لكم مروركم واثرااتكم للموضوع

لا خلا ولا عدم

[راعي الموود]

عيوني البرنس يمه منك ومن سؤالك

الاكيد انت عارف البير وغطاه , وللتوضيح للاخوان انا ردي تقريبا مشابه لرد حبيبي السلطان .

الحمد لله اغلب السفرات في السليم .

لا خلا ولا عدم

[البرنس حامد]

راعي الموود

يوم بتسلم من حميد اليونيه انته سالم

هيش موزمنك تكلم ابو سوادة يكلم ابو فياض في العزي عن الرش؟

وبالنسبة لي تعرفها سوالف ابو الرشاش كل يوم يدششني بسالفة

[راعي الموود]

هههههههههههههههه اش جايل الغالي

اذا انته بتفكنا من الشيخ , نحن في السليم خلي الهذا مشي لزمه

بوسواده طلعنا ندوخ من كثر الثوره والمقعد والسوالف جابت عمرها .

ابو الرشاش لا تعليق .

جابل عمرك عن البلوتوث قلبي يدق

[ابو وسد]

موضوع رائع وفكاهي بنفس الوقت !!

اما انا بكون صريح الشايب عندي مايحب طاري الشام
بس اربع وعشرين ساعه يتفرج على غنوه هههههههههههههههههههههههههههههااااااااي

امزحححححححححححححححححححححححححححححححححح

بس انا اخواني يدرون اني اسافر والدعم المادي بعض الاحيان يجي منهم لانهم يعرفون جو الشام
لاخلاولاعدم ورشك بالحر !!
اما الولد لو يدري كان سلم الجواز بس طبيعة عملي فيه دورات كثيره فكل شهر صاير عندي دوره باحد مناطق المملكه !!
اما الوالده تدري بس بعد ما اجي ودايم تقولي ياوليدي لايسحرونك !!
الله يخليها لي ويحفظ شيبانكم اللهم امين
لكن لا اخفيك يالبرنس ان المجتمع اللي اعيش فيه مايحبون طاري الشام وممكن لو عرفوا انك من رواد الشام ما يزوجونك ..

تقبل مروري
ابو وســــــــــد

[سالم الاسباني]

البرنس الغالي

داائماا متميز بطرحـــــــــــــــك ياحلو


انا ايام الجاامعه كنت .. اقول رايح مؤتمر عن طريق الجامعه للبحرين ..قطر ... الخ


وانا اكون بحرنه ومعربا هههههه

واللي ساعدني بهالشي اني مره رحت مئتمر فعلا لمدة اسبووع وصارت بعدين تصريفه ..


واذا كان الجو براد والاسفره اكثر من 5 ايام ... التصريفه المشهووره ... البر ..


حاليا صارت السفرات بالويكند .. يعني ماحد درى خصوصا ان مكان عملي بمدينه ثانيه ..




الله يعطيك العاافيه


لاخلا ولاعدم

[البرنس حامد]

ابو وسد

سالم الاسباني

الموضوع منور بتواجدكم فديت قلوووبكم

وكلنا في الهم ---- شااام

لاخلا ولا عدم