قصيدتي النبطيه: حسـره وأمل

[الوتر الحساس]

مراحب

||=> حسـره وأمــل <=||

بواعث هالشعر حسره تفجر غصـة الحيران

منازلــها قفار الأرض وأسقيها بدمعــــاتي

سماها هم ماتمطر مدام ان الشقى انسان

بــذرها تـاه مع ريــح(ن) تعــدت كــل آهــاتي

يجاورها بدنيا الحب شوك(ن) صارله أزمان

يمني النفس لو مره يعانق ظل حــسراتي

صداها صوت في جوف(ن) كتم بأنفاسه الحرمان

يتيــم لســــان !! لا والله.. ولكن عــاف خيبــاتي

مداها عين ماتبصر غشاها للأسف طغيــان

تشوف الحــب ذا أسود وتهــدم كل غايــاتي

تجيني وين ما أبعد تعاند رغبة الشبــعان

تكســر صمت ايامي وتفرشــها معــاناتي

أعيش بعالمي طفل(ن) يترجم هالزمن ألوان

وأكبر حلم في ليل(ن) يعذب همس عبراتي

أداري يوم في صدري يصارع لحظة النسيان

وطيف(ن) يشتكـي حظــه ويتــرنم بأبيــاتي

غريب وعايش بدار(ن) معي فيها كثير إخوان

وحيد وحــامل(ن) همي مسافر مع نهايــاتي

طريقي بحر ماله شط مجدافي له الايمان

دليلي حق ما يخفى وترشدني مناجاتي

أسير النفس ذا طبعي وجسري للأمل ميزان

تساوى الناس في كفه. وعدله هو مواساتي

مواقف يا بشر تشهد بأني سر ماله لسان

ولكن حظي العاثــر رمانــي بين صرخــاتي

أسافر حامل(ن) حسره تسابق لهفة العطشان

وأرجــع والامــل قبلـي يحطــم كل حســــراتي

وسلامتكم

[البرنس حامد]

مشكوور الوتــــــــــــــــــر الحســـــــــــــاســــــــــــ

قصيدة جميلة

الف شكر لك

[راعي الموود]

عيوني الوتر الحساس

تدري كل حرف يعزف على الوتر الحساس , شو ما اقول ما اعطيك حقك

ارق التحايا لشخصك الكريم

[الوتر الحساس]

حبايب قلبي

البرنس حامد

راعي الموود

فديت هطله

وربي ما يحرمنا منكم

لا خلا ولا عدم

[الساري]

الله يعطيك العافيه

والف شكر على هالطرح المميز والرائع

وتسلم على هالجهد الكبير

تقبل مروري

[الوتر الحساس]

الله حيه

الساري

التميز بمرورك ياغالي

لا خلا ولا عدم