ملاحظه على بعض الفنانين

[سالم الشمري]

أعضاء منتدى ليالي الشام
السلام عليكم ورحمة الله وبركاته
اخر سفرتين لي لاحظت ملاحظه بسيطة على بعض الفنانين بدون ذكر أسماء
أنهم يثيرون الشعله بين الحظور بمعنى أذا بدأ شخص بالرش قال الفنان اللي يتحدا ينزل
وأصلا الشخص ماقال له هالكلام أنا أتكلم عن واقع تجربه نزلت على البست أنا والفنانة هبه مسعود
وطبعا بدأت بالرش حر وكان فيه فنان موجود على البست أحتفظ بأسمه قال سالم الشمري والرش حر
وأنا أصلا ماقلت له شيء أنا من وجهة نظري ماتصلح هالحركات وأذكر موقف ثاني صار بين سعودي وأماراتي
السعودي يرش وعنده نفس الفنان واللي يثبت لكم كلامي أن السعودي كان جالس فوق بالدور الثاني ونفس الفنان
كان على البست قال الفنان اللي يتحدا ينزل للصبح زعل الأمارتي وطلع لأن الأماراتي كان يرش قبل السعودي
فالصراحه أولا : أنا ماني مقتع بوجود أكثر من فنان على البست بوقت واحد...
ثانيا : أنا أنصح الفنانين بأن مايقول الا مايسمع من الشخص اللي يرش أو يحيي
ثالثا : تكون سلبية على المرقص بمعنى انا معي 5الاف ليرة وبعد ماسمع هالتحدي والكلام الفاضي
اكنسل ال5الاف لأن الناس تتحدا ،،،وبعض الفنانين أستغلالي ياشافك مندمج مع الرش يقول كلام اصلا انت مافكرت فيه
هذا ودمتم ’’ أخوكم :سالم الشمري

[هيـبـهَہِ ملًــگ]

هلا وغلا

بسالم الشمري ,,,

كتبت فأبدعت ..

وموضوع يستحق النقاش ..

لي عودة على الموضوووع وتعليق مطوووووووول

سجل اعجابي بقلمك ..

مسراتي

[شهيد الحب]

اخي سالم الشمري

اشكرك على هيك موضوع ومهم

نعم كلنا نرى هذا الشي في الاونه الاخيره

وانا ضد هذا الشي لما يثيره من سلبيات وحززيات

بيننا كأخوان ولكن الشخص العاقل لاتهمه مثل هذه المهاترات

التي لاتسمن ولاتغني من جوع ولك مني كل الود والاحترام وتقبل مروري

[راعي الموود]

هلا بك اخوي سالم ,,,

اتفق وياك امور ما لها داعي البته لان الشخص في النهايه
قاطع الاف الكيلومترات , سواء كان الى الشام او اي بلد اخر
عشان شو يتحدى العالم بفلوسه ..؟ --- لا تعليق

**أما بالنسبه للمطرب يبقى مقدار تقييمه من اللي موجود بالسهره

سالم الشمري هنيأ لنا بوجود أمثالك
ارق التحايا

[برزان]

عزيزي سالم

هذا فئه تستغل كما قلت اللي يخش جو مع الدبك

واللي يرش غالباً مايسمع التحايا او التحدي

ولكن اذا سمعتها وقالها على لساني وانا ماقلتها

راح انزل من البست حتى لو بيدي فلوس ماراح اعطيهم

راح احطها بجيبي عشان يعرف المعلم ان هالحركات مالها داعي

ويتصرف مع الفنان اللي سوى الحركه

عالعموم طرح راقي ياغالي

برزان

[alfadly]

تسلم اخووووي (سالم الشمري) على الموضوع الراقي من واحد مبدع والصراحه كلامك عين العقل بس انا اقول الفنان هذي وظيفته الغناء واثارة التحدي بين السهرانين بالمرقص وبعض الفنانين يعتبرونها شطاره اذا اثار التحدي بين الموجودين وخاصه اذا كان في اكثر من واحد يرش بس العتب على اللي يعطي الفنان جوه وبعض الشباب اللي يحسب نفسه بالمرقص وحدووووووووو.

[المكسيكي]

هلا بك سالم الشمري,,

ابدعت بطرحك لهذا الموضوع الحلو,,

وبصراحة هذا الشئ ينفرزني ويخليني اطلع من طوري

ولو يسويها الفنان اوقف الرش واقلب السهرة على راسه

لاني جاي استانس وانبسط وابسط العالم معاي مو جاي

اتحدى واسوي نفسي امبراطووووووور على اخواني السعوديين

والخليجيين لان حنا بالنهايه اسره واااحده وجينا الشام لغرض محدد

اعجبني موضوعك فاحببت التعليق ولو انه لايفي بالغرض ولكن هذا ما في جعبتي اليوم,,

مسراتي لشمعة حياتي

[black night]

هذي لعبة الشاطر عندهم
وهم بالوقت هذا يحاولون يستغلون الزباين وخاصة لاشاف إن اللي قاعد يرش مرفع يعتبرونها فرصة عظيمة لهم
فكثير ماتسمع الشيخ فلان وإقطع أو للصبح أو واللي يتحدى ينزل وغيرها من الكلمات اللي مالها داعي وأغلبهم يقولونها كذا من روسهم بدون طلب منهم لأن قليل اللي يطلب مثل هالكلمات اللي مالها داعي
ولو تلاحظ شغله في الفنانين إذا إنهم يعرفونك إنك ترش يجون يتحرشون فيك بعض الأحيان ومن بعدها يثيرون لك تحدي بين هالسكارى لاشافوهم تجاوبوا معهم بالبداية فمره من المرات أتذكر كنت كنت جالس بسوبر ستار وهذا الكلام قبل ست شهور تقريبآ أو أكثر شوي وكان بالنمرة الأولى التوأمين العراقيين وأكيد معروفين فبوسط النمرة صاروا يتحرشون فيني وبكم طاولة إماراتيين وسعوديين وأنا من النوع اللي لاشفت الفنان صار يحييني على طول أتهور ولكن لاحظت بعدها إنه صار يثير التحدي بيني وبين أحد اللي قاموا يرشون وأنا على طول وقفت رش ونزلت للطاولة بالوقت هذا حتى الشخص هذاك يوم شافني وقفت رش جا عندي ع الطاولة وجلس معاي أنا والشوفير ويقول لي زين اللي إنك وقفت لأن أنا يوم شفته كذا كنت بجي أقولك وقف ولا تعطيهم وجه إسحب عليهم مالها داعي يكبرونها بيننا وبالأخير يضحكون علينا وهذا هو الصحيح طبعآ بالبداية يكبرونها بين السهرانين وإذا أخذوا فلوسهم يقعدون يضحكون عليهم.
وبالأخير أتمنى محد يزعل من كلامي هذا لأن هذا هو الواقع
















تحيــــ ،،،، ـــــاتي

[ابو فهد]

ما عمر التحدي يعنيلي شي .. لأن يجيني واحد من نفسي كذا يقولي ها انتبه بدا شغل النصب .. مره وحد فقط اللي تنرفزت فيها وما كان تحدي كان موضوع ثاني ومتندم عليه الى الآن .. ولاّ اوقات التحدي امامي ثلاث خيارات .. اتفرج على المسرحيه ! أو اقطع الوقت بالسوالف .. او امشي لمكان افضل .. وأمر الله من سعه .